| Frey's profileFrelionPhotosBlogLists |  Tools  Help |
|
7/5/2009 我沒那勇氣父親實在好偉大, 一雙手養大了我們四隻化骨龍, 年少時我總是與他合不來, 更恨他. 長大後才知道父親的角色實在不簡單, 要獨自承擔, 犧牲自己的興趣和空間, 更身兼數職維持家庭開支. 我並不了解自己的父親, 只知道他很勤勞, 也認為自己沒勇氣去承擔一個家庭. 父親在今年將會退休, 希望他能享受人生, 身體健康. 3/27/2009 幸福的眼淚哭, 不一定是傷心. 喜極而泣, 也是以哭來表達的一種情感. 上週好友亞正與圈圈結束8年的愛情長跑, 終成眷屬, 看著好友在成功和幸福中踏入人生的另一階段, 每個畫面都令我非常感動. 分享到一對新人的喜悅, 也被幸福滲透著, 而我也盼望每天也活在幸福當中, 將目前的感覺一直延續. 11/18/2008 衰十一印象中近幾年的十一月都是不太好過的, 而今年的十一月過得更加艱難, 諸事不順令心情陷入低潮, 還好Poon Poon沒為我增加(太多)煩惱, 加上來到十一月尾終於有點涼意, 整個人才得冷靜過來, 算算還有十多天便到十二月, 再數數只不過43天便到2009年,希望能盡快整備自己, 迎接新的轉變. 10/9/2008 煩惱今天在公司的露台呆了很久, 望著堆填區上空盤旋著的大鷹, 想起很多人都羨慕鳥兒能在天空自由飛翔, 不過今天卻想再自由也得為生存而煩惱, 那麼無拘無束的真正自由, 就是在生命以外嗎? 8/8/2008 DistanceEach people have different distance to others, even friends, family or lovers, the distance between them may be just few inches, sometimes is few steps, or a city apart. You and i just like everyone, got some distances and differences too, even now we are in a 11,480 miles distance. but we can hug on the line, kiss in the air, make us can always connected, wherever we are. 7/28/2008 it's yet to comejust recived the sms, it's great and thanks god that you are safe. i am wondering that if i can get a week holiday, i will buy a ticket and a gift, then fly across the ocean and ask you a very diffcult question, but my mind tell me that i can't be impetuous this time, , i should save that money to rebuild my foundation.because i know what you need and what you worry about. i won't be sitting and waiting the day to come, i'll try to make it come for us. 7/5/2008 黑色星期五今天出奇地五點未夠便開完會, 平時一開完會便想走人去happy friday, 但今日一直卻待在公司遲遲未有離去, 游過水、焗完桑拿再吃晚飯...都好像不想回家, 主要原因是Fion陪家人晚飯, 整個人好像有點失了預算, 不知所措得朋友不想找, 街不想去, 機不想打, 回家更一條友食雪茄飲紅酒睇過期報紙, 電腦隨機地放著音樂, 那種一個人的寫意我卻半點都感受不到, 因為此時此刻, 我真的不能沒有你. 6/30/2008 Fly me to the moon我最喜歡的英文歌之一, 原因或多或少都與Eva有關, 而最近看了Eva電影版的序章, 那充滿張力的氣氛仍叫人喘不過氣, 雖然不是死忠fans, 但是還真的喜歡這套作品, 也許是我和朋友間的集體回憶, 以及年青時的遺物, 還記得當年在亞正家中看vcd, 他在溫習準備考試, 我就在做掃瞄的設計功課, 那種感覺不知道要怎形容, 但是回想起來卻莫名其妙地開心, 也把一串串的回憶重心底抽出來慢慢細味. 至少當年沒人會問阿SA還是阿嬌靚, 只會問喜歡凌波麗還是明日香. 最近也終於有機會欣賞一直想看的Rocky Balboa, 之前從沒看過任何一集Rocky, 想看只是因為知道電影是史泰龍的半自傳作品, 而且我對life story的劇本都情有獨鍾, 更重要的是我往往能被這類電影所感動而讓自己成長, 而看過Rocky Balboa後真的有重新振作和動力, 希望自己能像Rocky一樣挑戰自己, 重新找回自己的價值. 感謝Rocky能讓我從心底裡哭過感動過. It ain't how hard you hit; it's about how hard you can get hit, and keep moving forward. How much you can take, and keep moving forward. 3/22/2008 總是有雨好多朋友都在這一年內結婚, 也去過了好幾次婚禮, 亦當過了幾次兄弟, 衷心的替他們高興, 縱使對婚姻沒多大憧憬也突然羨慕起來. 不過出席過的這幾婚禮, 總是碰著下雨的日子, 令本是喜氣洋洋的地方變得有點淒涼, 但想得正面點也可寓意新人風雨同路, 餘生願與對方不離不棄. 再次祝福好友們百年好合, 共詣連理, 也希望下次再去的時候, 會是一個帶著微風而晴朗的一天. 3/15/2008 沒完沒了好久也提不起勁更新部落, 原因是太多東西想記, 貪心地寫一下一堆東西, 卻沒好好整理, 又不知道該從何說起, 結果寫好的都終沉於大海. 而這陣子圍繞著我的大事便是賣樓.
這兩年的供樓生活壓力不算很大, 不過卻在不知不覺間令自己負責累累, 最近更每月都入不敷出, 適逢樓市升溫加上單位的高價又千載難逢, 所以便決定將房子放盤, 希望可以套現資金再作其他投資, 重新開始. 賣樓我是有點不捨, 畢竟這是自己一手建立的一個家. 屋仔除了還沒高清, 以及鄰居叫床聲太大之外, 其餘一切都令我十分滿意, 也與女友在這留有很多快樂時光, 一下子要和它與她分開, 相信會很難適應, 也想像到會產生很多問題.
思緒很凌亂, 又是一篇沒寫完的部落... 1/18/2008 生日願望坦白說, 最近的心情不太好, 而最困擾著我的仍是感情事, 我還是那麼不滯... 早幾天看了一部很特別的畫劇, 好友在末段化身男主角, 到台前向並不知情的女友遞上戒指, 場面實在好不感動, 但沒令我也有想結婚的衝動, 大概是知道和女友還沒到談婚論嫁的階段, 也很清楚大家目前相處的境況. 誠然, 我對彼此將來沒多大期望, 也沒有真的去計劃過, 只是不希望有什麼改變, 沒有進步也不要緊, 不要退步便好了, 一直維持現在這段開心的關係也不錯, 這就是目前我對感情的看法或者打算, 這亦是我今年的新年和生日願望, 這樣算不切實際嗎? 12/2/2007 一期之間趕完一期書後身心疲累, 真的很須要時間休息一下, 重新整理自己好好投放更多在工作上, 因為聽到編輯說令他感到失望時, 心裡真的好難過, 有點想哭出來的感覺, 畢竟這次賭博性質地轉換工作, 實在是不容有失, 所以一定要讓自己進步.
11/30/2007 冬天的衣食住行冬天終於來到, 天氣也突然變得冷起來, 人亦同樣變懶, 躲在暖暖的被窩不願離開. 我喜歡冬天, 喜歡冷冷的天氣可以讓我穿不同的衣服; 我喜歡冬天, 喜歡冷冷的天氣使我更能享受熱騰騰的食物; 我喜歡冬天, 喜歡冷冷的天氣令我有更想家的感覺; 我喜歡冬天, 喜歡冷冷的天氣給我有摟抱著你走著每一段路的機會.
11/4/2007 日睇夜睇睇色戒今晚終於同Fion去左睇<色戒>, 套片我就覺得冇乜咁震撼, 亦唔會我一生人一定要扲荷包入戲院睇既電影, 但無可否認湯唯既演技真係好勁, 加埋梁朝偉同佢好多時都係可以用表情同眼神交代劇情既人, 令呢套電影變左剩睇佢兩個都夠. 至於日睇夜睇當然唔係睇<色戒>, 而係終於睇左<Night Watch>同埋<Day Watch>呢兩套俄羅斯電影, 電影係改編自同名既俄羅斯科幻小說, 講正邪兩班人由古代鬥到現代, 但就有條約唔比佢地擾亂人類世界, 雙方亦互相監視, 明爭暗鬥直到一次導火線出現, 毀滅性既戰爭終於爆發. 可能我講得唔吸引, 但套野真係幾有feel, 要自己睇過先知, 而Fion買比我果本<Night Watch>我已經睇左一大半, 睇完就買埋本<Day Watch>先, 但d英文真係好深...... 10/30/2007 Sabah Day 3b上山前導遊簡單介紹一下神山既故事, 仲講到當地一種特別既竹, 果d竹既中空部份很大, 而且係同一個傳說有關. 話說當地以前有兩村人開戰, 被打既一方差唔多被滅族, 一d族人為左能薪火相傳, 就偷偷地把初生既BB藏入巨竹裡面, 於是族人先可以免過絕後一劫, 故事聽起黎幾恐怖, 不過仲恐怖既就係導遊話果d竹每天會長高一米!!而我指住眼前十幾米高既竹問係唔係生左十日, 佢就唔答我, 所以都唔知佢係唔係吹水...
聽佢足完水之後, 我地就正式登山, 而我地今次唔會上到山頂, 只係由山腳附近行到上吊橋為止就回程, 雖然唔係行好耐, 但連續扯左幾百級樓梯, 大約上到300米之後, 個人真係面青口唇白, 當堂暈暈地兼勁標冷汗, 差d以為自己會休克, 所以上山真係唔好行得咁急. 休息完之後就開始行吊橋, 行之前當然要同Fion留念先啦, 怕一陣跌左落山就冇機會XDDD, 雖然吊橋真係有d窄, 但其實係非常安全, 因為兩邊有扶手兼且封晒保護網, 真係要自殺先有機會發生意外, 所以好輕鬆就行完. 不過吊橋仲有好多地方未開放比遊客行, 所以唔覺得有太多野睇, 冇乜特別.
行完神山之後大約兩點幾, 見仲有d時間剩就去左上山入口果度既溫泉區浸下, 果度既設備比較簡陋, 除左更衣室之外就只係得個池比你, 乜都要自己搞掂, 而且熱水要扭開水喉頭等勁耐先有得浸, 想快d水滿就要拎埋隔離池條膠水管黎放水先得, 不過在場既膠水管就比較少, 所以手快者得, 但當然要make sure隔離池冇人用先好拎啦, 免得變左自私精.
浸完之後就回程返酒店, 而回程呢兩個鐘頭車先係今日最難捱既一段, 坐完之後真係成個散晒, 所以計過車程來回都成6粒鐘之後, 建議唔係上山頂而好似我地咁plan的話, 唔夠時間用就真係唔去都得嚕. 而我地返到酒店小休一會之後就再次出發, 向住我地沙巴之旅其中一個目的地進發－－味雅雞飯.  10/27/2007 打掃今天上班前決定打掃一下才出門...
這幾天一直都悶悶不樂, 可能是壓力大而令思想混亂, 總是想哭似的, 結果今早起床後便大哭了一場, 那莫名的傷心和無助感覺突然得到了釋放, 哭了良久都沒有停下來, 哭過後有點累便睡著了, 醒來突然想做點家務, 把家中整理一番, 吸塵, 洗碗和抹地, 還為盆栽澆水, 打掃好後便洗澡更衣, 在窗台休息一會便提起精神上班去, 不開心的事暫時被一掃而空. 10/16/2007 同事做左差唔多兩年~終於走人....其實早早就想唔做, 事關真係做得幾唔開心, 睇住班同事走完一個又一個, 都咪話唔灰, 好在仲有一班好同事先支持到我做咁耐. 本來辭職係唔想揚開去, 但始終猜秘密, 而走前聽得最多果句都係"幾時帶埋我走"...的確出左去唔好望返轉頭, 臨走果日既lunch我都真係扒清d飯, 費事唔老利...希望大家出冊之後可以出面聚下啦~~~
一直都坐我隔離兼陪我喪講廢野既亞翔 第一日落大堂接我返工既性格派主任亞釧 深藏不露而仲有一團火既亞偉 再黎報到既元祖難gag王亞健 初頭幾好傾但越升越遠既亞星 ＃希望搵日可以同亞虎 Candy 大隻等人影返張~~~啦~ |
|
|
