我想去打牌同燒野食, 但果度比一班鍾意宿營既人霸左, 依家想去影張相都唔得, 佢地仲搞到周圍花呢碌, 我真係唔知邊個破壞緊個碼頭, 又唔知如果一班乞兒長期霸住果度既話, 又會幾時有人去清場呢?

 

既然佢地質疑政府既集體咨詢, 咁佢地有冇做過全面調查呢? 有冇問下住上水, 屯門或者大嶼山既市民有咩睇法呢? 唔好做埋晒d假設性問題比人答, 睇下有幾多心真係對皇后碼頭有感情, 我相信天星鐘樓同皇后碼頭絕對係兩回事!

 

拆碼頭唔係為左擺脫殖民地色彩, 亦唔覺有幾多官商勾結. 要擺脫既話邊會仲有威廉斯親王醫院, 大大個數碼港果d就叫勾結喇, 所以對佢地某d口號好鬼反感. 反而我覺得反對屏風樓就有建設得多喇.

可能尋日放假o係屋企hea得太耐, 睇完<回魂夜>之後Fion都仲係嗌悶, 結果懷疑有幽閉恐懼症既Fion就無端端扭計出街, 反正今日都諗住出去買太陽眼鏡, 所以就出去中環睇, 順便去飲杯野. 8點去到ifc諗住可以慢慢行完先食飯啦, 點知d舖頭已經閂得八八九九, 搞到個人冇晒mood, 所以行左一陣就去左蘭桂坊飲野.

 

去到lkf咁岩遇到Hong Kong Seven搞Promotion, 搞到成個lkf好似嘉年華會咁, 有檔攤賣啤酒同特色小食, 仲有人唱歌表演, 成街都有人載歌載舞, 氣氛好熱鬧, 短短既蘭桂芳突然變成一條長廊, 我地亦湊熱鬧影下相, 仲買左pint好得意既啤酒, 一邊行一邊飲, 感覺得好似去左旅行咁.

 

初相識時我同Fion成日都會去飲, 去唔同既bar試下各式各樣既cocktail, 諗番果時既關係同感覺幾古怪, 所以尋晚再同佢行lkf好想搵個地方好好坐下, feel下依家會係咩感覺.

 

昨天看到新聞說美國有一隻靈貓, 這隻活在老人院的兩歲靈貓會預知死亡的, 牠會在人死前數小時跳到他的身上並一直陪著他, 好讓工作人員通知臨終者的家人前來見最後一面, 聽起來貓兒很有人性, 很有靈性, 亦算是一個感人的故事. 但如果將這隻貓視為死神又不同了, 被牠看上的人會在幾小時內死去, 而且這隻被咀咒過的貓會看著人們死亡才願意離開. 如果要這樣說的話, 相信死神貓一說亦說得通, 所以凡事都有兩面, 甚至多面的看法, 我也好希望自己能看多一點, 多看一點. 

除左人工以外, 我的確好享受上一份工作, 工作自由, 時間彈性, 有發揮空間, 更可以在上班時適當地hea, 打機, 睇書, 甚至鋤D都可以, 諗起果時同夜叉, 亞發齊齊出"大蛇薙"既日子真係幾爽, 果時仲講笑冇啤牌時就拎自己既卡片自己劃, 實行隨時隨地都可以玩餐飽. 估唔到果時亂up既廢話, 有機會係呢間公司實現...

 

今日下晝做野時, 老細突然走黎溫馨提示:「職位有變動或者改左資料既同事留意, 公司叫同事將d舊卡片交出黎, 好似話用黎做memo紙喎...」我聽完之後以為佢講笑, 事關佢都幾鍾意玩爛gag, 但今次佢似係講堅, 大家都即時諗到可以用卡片做啤牌, 再唔係用黎玩召喚獸, 呢d咁無稽咁戇撚鳩(容我爆粗)既policy真係冇幾多人度得出, 真係驚員工士氣太高咩, 仲搞埋呢d侮辱性既野, 我果一刻除左苦笑之外, 就係苦笑同埋苦笑...
 

今天下班與女友到去晚餐, 起初大家都沒概念要吃些什麼, 但她突然想起最近與波仔和亞祖一起常的一間泰國菜附近, 有一家叫Date的歐洲小店, 而且我們很想吃牛扒, 於是便以這為目的地.

 

記得這家在開張時我也有留意, 但直覺告訴我它只是一家茶餐廳一樣的西餐廳, 所以便一直都沒想過要去試試. 不過與Fion一起時我總是愛試新東西, 也覺得應該減少自己常單憑直覺便妄下定論的態度, 所以也很開心很期待地往著Date走, 去到餐廳門口, 我突然沒有以前不想進去的感覺, 而且一看到餐牌便想到要吃什麼--香煎鵝肝拌紅酒蘋果.

 

來Date前我明明是好想吃牛扒的, 但鵝肝忽然間好像才是主角, 與超好吃的白酒青口領銜這頓美味而豐富的晚餐, 不過今晚的牛扒夠份量, 而且亦交足"氣", 那種炭燒的味道正是我最喜歡的, 所以它仍是這晚的主角, 吃過它才能消除對牛扒的心癮, 如果這晚能以一杯紅酒作為結尾便十分圓滿了.

#在寫畢後, 很想帶媽媽來吃一次.
 

妹妹給我的一首歌, 原來是Orange range<羈絆>的中文版, 由關智斌主唱並有幾位歌手feat. 想不到一首改編歌也填得這麼好, 實在有點驚訝, 再查填詞人是誰, 原來是填過<壞孩子的天空>的李峻一, 令我覺得他在學生時一定是個愛玩的學生, 愛與好友在球場和機鋪出現, 身邊有幾個夠義氣的朋友, 打架時總不會一個人, 追女仔亦會有老友出橋壯膽, 過著不羈自由的少年生活, 才可以填出那樣的詞, 總之妹妹給我的這首歌很好, 還有幫我刻意highlight的歌詞.

 

上星期六的假期終於報了旅行團, 下個月便會與Fion一起去沙巴, 終於可以去我們的第一次旅行, 真的十分期待. 其實沒有想過會去東南亞旅行, 因為我不熟水性, 應該說不會游泳, 所以去那些以水上活動為主的地方旅行便會有點浪費.不過想清楚其實只要一起去旅行便很開心了, 所以不會游水也沒多大問題, 大不了只是浸溺死, 而且可以四處去吃東西和影相, 曬下太陽出下海已經好正, 但接下來的一個月還是要好好特訓, 除了游水之外, 也要減減肥...不然腰間纏著一個水抱拍照便難看死.

來了這公司已有一段時間, 今天才第一次出勤, 因為預備得不好, 所以手忙腳亂, 由約model到借衫都十分混亂, 首個拍攝場地位置比較尷尬, 所以效果不如理想, 令自己也沒太多心機糾纏而決定換地方, 還好最後找到一間公司願意將衫借走, 這樣才能順利拍攝, 可是借完衫之後已是天黑, 沒有天空也沒有球場, 只好明天繼續, 但由於大家都抽不出時間, 結果要晨早七點拍攝, 但願明天順順利利, 現在乖乖去睡了.

 

#多謝Loyes, Suee, Crystal仗義相助(排名不分先後...)

"開心唔使喊嫁, 媽咪你唔好喊啦, 我會比心機讀書喇."

 

真係好檸怪, 幼稚園, 小學, 中學都好, 乜Q派位都喊餐死, 排餐死. 入讀到名校真係可以改變一生咁堅? 我就真係唔知喇, 只係覺得好似一入到名校, 個個將來唔係CEO就係高官, 從此脫貧, 變晒達官貴人. 我對爭入名校唔反對亦唔反感, 但只係覺得好誇張, 不過話唔定第時到我有細路都係一樣, 一路爆粗一路排隊然後又喊又笑.

 

入伙都快一年了, 前日才有機會在主場築起四方城會友, 在肯定Henry, 亞禮和Shimi會上來之後, 便驅車直奔IKEA買櫈, 皆因家中至今仍未有椅子招呼親朋戚友, 而且有「麻雀枱」時又怎可沒有椅子呢? 所以便急急祭過五臟廟後, 便搬了三張摺櫈回家備戰, 豈料雀友帶來的竟然是麻雀板, 而非說好了的麻雀枱, 我真的大失所望, 而說實在這次我是有點嬲.

 

大家當初熱哄哄的說送我禮物, 我很開心, 沒收到也明白了一份心意, 也知道人之常情, 可是夾份買的話, 也至少買合用的東西吧...還害我特意去買櫈回來, 現在放著一堆沒用的東西在家, 真的有點想發脾氣統統丟掉, 還好有乖乖Fion幫我執拾清理, 心情才即時好轉過來 ^o^

嬲死你Henry>"<, 仲要贏完錢都收咁貴= =

 

人都愛一窩蜂, 可能自己生活在香港, 所以特別覺得香港人乜都鍾意排一餐, 馬會有野派, 排! 環保袋, 排! 新膠鈔, 排! 派咩呀? 唔知喎. 個環保袋有咩意義呀? 唔理啦! 新十蚊值錢d嫁咩? 應該係啦! 總之見人多就湧, 免得執輸行頭慘過敗家.

 

香港人成日要排隊, 其實同人多地少有關, 細細個老師教寸金尺土, 家陣已經唔岩使, 話尺金寸土先至岩, 早兩日同Fion講開曾特首要衝擊1000萬人, 我地都覺得呢個目標有問題, 地咁少人咁多, 再多d人黎香港, 到時地價唔知會升到點真係唔敢想像. 同埋我個人覺得1000萬呢個target只係一個好on9既landmark, 而家香港多左咁多人, 唔係因為香港人生多左, 而係有一班質素低既人南下而來, 令到社會問題多左好多, 亦大大加重政府負擔, 雖然的確可以好亞Q咁諗, 用方法將呢班人變成香港未來既人材, 對佢地加以栽培, 但栽培完之後, 香港又可以得返幾多回報呢? 唔通好似越南船民咁, 養完就由佢走咩.

 

我自問諗唔到d咩好方法, 只係咁岩睇電視, 見到一班公公婆婆冇野做, 以為有錢派咁走去換銀紙, 覺得好無聊, 先上黎呻下. 下次講下遊行先~~~

前天放假逛Megabox時收到了一則來自捷克的短訊, 原來是在當地旅遊的亞正, 說在那邊的cafe聽到我喜歡的歌曲, 雖然我不知道是那一首, 但我很高興他記得我喜歡的歌. 從小到大, 有很多的東西都會和亞正一起分享, 喜歡的東西也有不少是一樣的, 但卻沒喜歡過同一個女孩(說不定有而我又不知道= =), 可能是我們交際的圈子和模式都不一樣, 所以才沒發生過這樣不幸的事.

 

最近好多舊景象都被翻了出來, 未知會否與拿了舊相本出來有關, 有回憶和人都釋放了出來, 回小學到中學到工作, 後來的戀愛和外國生活, 都一下子重演在眼前. 就像昨晚的陰差陽錯, 在以往大伙兒愛聚腳的酒吧, 闊別多年的朋友卻在那裡遇上, 雖然大家的生活, 目標和話題都不同了, 關係也不如昔日, 但我仍感受到當年一起在平台上喝酒, 在天橋上踢著拖鞋宵夜, 通宵睇波打機打牌的日子, 因為他們都是我生命中重要的人, 於我來說, 時代容貌怎變還是我的朋友.

有人在命運的圓舞中不斷打轉, 希望終有一天能找得真愛; 有人被困在親手建造的空間, 逼自己找回自己; 有人為自己編寫最慘的故事, 以為淒涼就是美.

曾經, 我也活在自己的故事中, 按著自己所編的劇情, 別人所定的角色去演著, 現在回想起來, 除了用黑色和紫色來形容那段日子外, 藍奕邦<六月>一曲也有數句正好形容這個現象.

 

慘 偏偏醉人漂亮 偏偏歎為觀止
哀傷偏要是最博得俗世讚賞

 

心知不是Happy End, 也希望按著自己的劇本走, 相信以上三種人都有著同樣的審美眼光和執著, 將自己變成<有故事的人>.

今日返工前送完Fion回家之後, 就揸車返工, 路上播著"優客李林"精選碟, 突然湧現出以前聽住歌踩單車四圍去既日子, 第一次接觸優客李林好似係中二, 當時同亞熙參加歌唱比賽時唱<認錯>, 跟住就開始鍾意左佢地既歌, 之後亞熙去左外國, 就買左兩隻CD, 寄左一隻比佢, 一隻就我自己Keep, 希望<昨日 今日 永遠>既呢隻大碟名可以代表大家既友情, 所以每次聽到佢地既歌時都會諗起好多往事, 今日再聽歌時就好似返到當年, 感覺好舒服.