| Profiel van FreyFrelionFoto'sWeblogLijsten |  Extra  Help |
|
30-10-2007 Sabah Day 3b上山前導遊簡單介紹一下神山既故事, 仲講到當地一種特別既竹, 果d竹既中空部份很大, 而且係同一個傳說有關. 話說當地以前有兩村人開戰, 被打既一方差唔多被滅族, 一d族人為左能薪火相傳, 就偷偷地把初生既BB藏入巨竹裡面, 於是族人先可以免過絕後一劫, 故事聽起黎幾恐怖, 不過仲恐怖既就係導遊話果d竹每天會長高一米!!而我指住眼前十幾米高既竹問係唔係生左十日, 佢就唔答我, 所以都唔知佢係唔係吹水...
聽佢足完水之後, 我地就正式登山, 而我地今次唔會上到山頂, 只係由山腳附近行到上吊橋為止就回程, 雖然唔係行好耐, 但連續扯左幾百級樓梯, 大約上到300米之後, 個人真係面青口唇白, 當堂暈暈地兼勁標冷汗, 差d以為自己會休克, 所以上山真係唔好行得咁急. 休息完之後就開始行吊橋, 行之前當然要同Fion留念先啦, 怕一陣跌左落山就冇機會XDDD, 雖然吊橋真係有d窄, 但其實係非常安全, 因為兩邊有扶手兼且封晒保護網, 真係要自殺先有機會發生意外, 所以好輕鬆就行完. 不過吊橋仲有好多地方未開放比遊客行, 所以唔覺得有太多野睇, 冇乜特別.
行完神山之後大約兩點幾, 見仲有d時間剩就去左上山入口果度既溫泉區浸下, 果度既設備比較簡陋, 除左更衣室之外就只係得個池比你, 乜都要自己搞掂, 而且熱水要扭開水喉頭等勁耐先有得浸, 想快d水滿就要拎埋隔離池條膠水管黎放水先得, 不過在場既膠水管就比較少, 所以手快者得, 但當然要make sure隔離池冇人用先好拎啦, 免得變左自私精.
浸完之後就回程返酒店, 而回程呢兩個鐘頭車先係今日最難捱既一段, 坐完之後真係成個散晒, 所以計過車程來回都成6粒鐘之後, 建議唔係上山頂而好似我地咁plan的話, 唔夠時間用就真係唔去都得嚕. 而我地返到酒店小休一會之後就再次出發, 向住我地沙巴之旅其中一個目的地進發－－味雅雞飯.  27-10-2007 打掃今天上班前決定打掃一下才出門...
這幾天一直都悶悶不樂, 可能是壓力大而令思想混亂, 總是想哭似的, 結果今早起床後便大哭了一場, 那莫名的傷心和無助感覺突然得到了釋放, 哭了良久都沒有停下來, 哭過後有點累便睡著了, 醒來突然想做點家務, 把家中整理一番, 吸塵, 洗碗和抹地, 還為盆栽澆水, 打掃好後便洗澡更衣, 在窗台休息一會便提起精神上班去, 不開心的事暫時被一掃而空. 16-10-2007 同事做左差唔多兩年~終於走人....其實早早就想唔做, 事關真係做得幾唔開心, 睇住班同事走完一個又一個, 都咪話唔灰, 好在仲有一班好同事先支持到我做咁耐. 本來辭職係唔想揚開去, 但始終猜秘密, 而走前聽得最多果句都係"幾時帶埋我走"...的確出左去唔好望返轉頭, 臨走果日既lunch我都真係扒清d飯, 費事唔老利...希望大家出冊之後可以出面聚下啦~~~
一直都坐我隔離兼陪我喪講廢野既亞翔 第一日落大堂接我返工既性格派主任亞釧 深藏不露而仲有一團火既亞偉 再黎報到既元祖難gag王亞健 初頭幾好傾但越升越遠既亞星 ＃希望搵日可以同亞虎 Candy 大隻等人影返張~~~啦~ 13-10-2007 憶中秋家人對我來說越來越重要, 中秋夜回家很想留下來過一晚, 陪媽媽傾下偈, 但我好易訓唔慣人地床, 就算屋企人都係咁話, 以前亦好少訓細佬d床, 所以到最尾都係返左屋企. 回程時撞到十年都唔見一次既好友喉爺, 到呢一刻都仲係好友既, 曾經諗過如果唔係紅白二事都冇乜機會見到佢, 事關約親佢都係"有野搞", "整緊d野", 實際上大家都feel到佢陪女, 所以久而久之就唔想約佢, 電話都懶得打, 成程巴士同喉爺都冇幾句, 佢話約食飯都係得啖笑, 突然間又覺得與朋友疏離的感覺有點難受, 而且對維繫身邊每一種情感到無力. 蘇豪最近生活過得平淡, 但每天都很開心, 有不少事情都令我回味, 好像上個月的某個星期五, 一個人到中環蕩了一個下午的感覺, 實在十分奇妙, 而且那天架起眼鏡去看東西都好像找到新的觀點, 也覺得別人看我的眼光亦有點不同.沿著荷里活道一直走, 去找Fion和我都很喜歡的大廈, 卻一直找不到, 汗流浹背只好買了罐冰凍的啤酒, 坐在公園小歇一會, 看看路人看看天, 好久沒有試過這樣悠閒, 可惜的是這天沒有帶相機, 未能在中環留影, 在蘇豪逛了差不多四個小時, 終於等到Fion來到, 然後找了一間意大利餐廳晚餐, 簡簡單單地度過了這平淡但難忘的一天. 回收最近幾單新聞都同d高官言論有關, 講完d野又話要收回言論, 我覺得真係好搞笑同唔負責任囉, 收回即係叫人當冇聽過, 自己亦冇講過, 成件事就好似rev帶一樣, 乜事都冇發生, 咁講即係唔承認自己有錯啦! 我唔理佢說話內容岩定錯喇, 但收回呢個態度好有問題, 講錯野做錯野如果憑收返就可以解決, 咁又真幾環保喎! 9-10-2007 何來何來將參加立法會港島補選 何來下午三時將會在中環天星碼頭舊址，宣布參加立法會港島區補選，是繼前政務司司長陳方安生、前保安局局長葉劉淑儀後，第三個宣有有意角逐的人。 睇完之後除左笑之外, 只覺佢係比女長毛更廢的長毛女... |
|
|
